طريقة عمل الجبنة البيضاء , كيفية عمل الجبن الابيض
مقادير عمل الجبنة البيضاء :
1 كيلو لبن سايب .. لبن الشتاء احلى من لبن الصيف و بينتج جبنه اكتر تلت ملعقه منفحه سائله و ملعقه صغيره خل
مكعب ثلج
ملح حسب الرغبه
قرن فلفل حامى
طريقة تحضير الجبنة البيضاء :
- يسخن اللبن حتى درجه 40 فى اناء معقم [ فاتر تقدرى تتحملى حرارته لو وضعتى اصبعك فيه ]
- اذيبى مكعب التلج فى تلت ملعقه المنفحه فى طبق خارجى و نزليهم فى اللبن و قلبى كويس جدا و غطيه... و حطيه فى الفرن و معاه حله ميه سخنه و بعد ساعه كده افتحى و اضغطى عليه بايديك ..هتلاقيه لازم يكون تجمد
- اقطعى بالسكينه فى عمق القالب و هو فى الاناء على شكل خطوط متقاطعه و سيبيه قد 5 دقايق هتلاحظى ظهور اثر لمياه.
- افرشى دانتيل او قطعه تل او قماش قطن مسامه واسعه الى حد ما فى مصفاه و صبى فيه مكعبات الجبن و لازم يكون طبعا فى اناء تحت حتى تتلقى السائل
- هذا السائل او الشرش ممكن تعملى بيه حاجات كتير [ عملت بيه كيك وعملت بيه بشاميل كمان ] هنستخدمه لعمل محلول ملحى نخلل و نحفظ فيه الجبنه
- السائل ده سائل غنى جدا بالعناصر الغذائيه فياريت محدش يرميه و يحاول يحطه فى اى اكل بيعمله ممكن كمان ندخله فى شوربه مع الكريما
- بعد ساعتين تقريبا تصفى كل المياه من الجبنه و الوقت بيتوقف على مدى مساميه قطعه القماش اللى استخدمناها .. طبعا فى معدات تانيه خاصه زى "السده" و الحصر و الباقوطى
- ناخد الجبنه و نضع عليها ملح و نسيبها فى التلاجه ليله من غير غطاء
- تانى يوم نغلى السائل مع شويه لبن و شويه ملح و قرن فلفل حامى مشقوق و نصب المزيج و هو ساخن على الجبنه و تحفظ بالتلاجه
- بعد ما تبرد.. و انصح بتناولها بعد 3 ايام حتى تتجانس كل النكهات و تكتسب من الفلفل طعمه الجميل
ليست هناك تعليقات:
إرسال تعليق